بعد رجوعهما.. حسام حبيب: خلافتي معها كانت هبلة وحياتنا كانت مفتوحة على الناس

حكي الفنان حسام حبيب، عن عودته للفنانة شيرين عبد الوهاب بعد انفصال وخلافات عديدة وقعت بينهما على مدار الفترة الماضية.

وقال حسام حبيب، عبر مداخلة هاتفية لبرنامج «الحكاية» مع الإعلامي عمرو أديب: «هي طبعا اللي أقنعتني بالزواج، زعلت شيرين دلوقتي هتأكلني علقة دلوقتي، احنا زي اتنين في الدنيا وخناقتنا كلها هبلة وعبيطة ولما حياتنا بتقبى مفتوحة على الناس هو ده اللي بيخلي المواضيع تكبر، والسوشيال ميديا وناس تقول كلام في حاجات ما تعرفهاش، لكن احنا في الأخر بساط جدا، وحياتنا زي اتنين في الدنيا».

وأضاف: «اتكلمنا قبل ما نرجع لبعض، وحطينا خطوط وفعلا كل واحد محتاج فينا يركز في حياته وحياتنا احنا الاتنين مع بعض وحطينا كل واحد أهدافه إيه، وإيه كان مضايقه في التاني، وعدنا بعض ان كل واحد هيشرف التاني، وفي نفس الوقت قررنا إن حياتنا تبقى خاصة بينا احنا مش لأي حد تاني».

وعن غضب جمهورها منه في السابق، قال:«عذركم لأني بحبها زيكم، وهي عدت بأوقات صعبة، وزيي زيكم كنت زعلان عليها، وأنا من النوع اللي مش بحب أدافع عن نفسي».