ياسمين عز تتصدر السوشيال ميديا بسبب "عيدك مع فرعونك"
تصدرت الإعلامية المصرية ياسمين عز واجهة منصات التواصل الاجتماعي بسبب تهنئتها المختلفة للجمهور، حيث حرصت الإعلامية ياسمين عز، على تهنئة متابعيها بمناسبة عيد الأصحى من خلال صورة جديدة ظهرت فيها بإطلالة جريئة، وأنيقة.
ونشرت ياسمين عز الصورة عبر حسابها الرسمي بـ«فيسبوك»، وارتدت فيها «تيشرت» أسود دون أكمام وبنطال بنفسجي، وشعرها مُصفف بطريقة مموجة، ومكياج بسيط.
وعلقت ياسمين على الصورة مهنئة الجمهور والمُتابعين بمناسبة عيد الأضحى، كاتبةً: عيدك أحلى مع فرعونك يا مدام.
ومؤخرًا قالت ياسمين عز خلال برنامجها كلام الناس، نصيحة للمتابعات بشأن شراء لحمة عيد الأضحى: أكيد إنتي عارفة الخناقة اللي بتحصل مع حماتك قدام الجزار على مين ياخد إيه، كل واحدة ماسكة جردل أو حلة وواقفة قدام الجزار عشان تاخد اللحمة بتاعتها، حماتك تاخد اللي هي عايزاه، عايزة كبدة عايزة الطحال تاخد اللي عايزاه، وإنتي تاخدي بعدها.
وأضافت ياسمين: بتتخانقي ليه مع جوزك عشان هي واخدة الحاجات دي من الأضحية، ما هي واخدة الحاجات عشان تعملها في الآخر ليكي إنتي وابنها، وهي مبسوطة بلمتكم جنبها في العيد، ليه نعكنن على الراجل في العيد عشان مخدتيش حتة من ديل الجاموسة أو بيت اللوح.
للمزيد: موقع خليجيون نيوز، للتواصل الاجتماعي تابعنا على خليجيون
