الفنانة شيماء سيف تهاجم المايوهات الساخنة: مبقاش فيه نخوة ولا حياء
شنت الفنانة المصرية شيماء سيف هجوما لاذعا على الرجال والنساء الذين يسمحون لبناتهم بارتداء المايوهات بعيدا عن الأماكن المخصصة للسباحة واعتبرت أن ذلك قلة نخوة من الرجال وقلة حياء من النساء حسب قولها
شيماء سيف، نقلت منشوراً من صديقة لها قالت إنه يعبر عما يدور في خلدها، وأضافت عبر حسابها الشخصي بموقع إنستغرام، قائلة: خلاص الصيف بيخلص لكن للأسف آثاره مكملة.. طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف.. المايوه بقي يتلبس في كل مكان مش على البحر بس.. توب المايوه بقي اللبس الرسمي للبنات وفوقه کاش مايوه بیبین أکثر ما بیستر.
وتابعت شيماء سيف: هي البنات دي ما لهاش أب أو زوج أو أخ قلبهم يأكلهم عليهم والدم يجري في عروقهم؟.. فين نخوة الرجالة.. فين حياء البنات.. والمصيبة أن كل الأعمار وكل الأحجام مش بتفرق.. الموضوع زاد أوي تحت مظلة أنه بلاش خجل الجسم وكلام فاضي، فين الحياء؟
وأردفت شيماء سيف: الجسم المفروض نحافظ عليه مش نمتع غيرنا بيه.. الغلط غلط ولو كل الناس عملوه.. الغلط القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغیرین وبيسألوا هي ليه البنت دى لابسة كده يا ماما؟ كل شيء بقي مباح كده للناس كلها؟ ربنا يستر علينا جميعاً ويهدي البنات والأولاد ويشوفوا الغلط غلط.
وأوضحت شيماء سيف: غلط ولو أصبح عادة الكل.. هفضل أقول ده غلط حتى لوكنت لوحدي اللي بقوله.. العري مظهر من مظاهر التخلف الفكري واللي فاكر أنه تحضر ماشي وراء.. مهما کتر
ربنا أرنا الحق حقاً وارزقنا اتباعه وأرنا الباطل باطلاً وجنبنا اتباعه.
للمزيد: موقع خليجيون نيوز، للتواصل الاجتماعي تابعنا على خليجيون
