سهر الصايع ترفض الهوليوود سمايل

الفنانة سهر الصايغ لم تنس كونها طبيبة أسنان ووجهت نصائح طبية لجمهورها حيث قالت إنها لا تفضّل الهوليوود سمايل الشهيرة لدى أغلب المشاهير.

وتابعت: قد يبدو الكلام بسيط بس اغسلوا سنانكم مرة أول ما تصحوا ومرة قبل ما تناموا، وده ممكن يضايق دكاترة الأسنان مني بس بلاش تبييض الأسنان باستمرار.

وتابعت سهر الصايغ موضحةً: تبييض الأسنان باستمرار ده مش حلو لطبقة المينا، وقللوا من السجاير ولازم يبقى في وعي في صحة الأسنان أكتر من كدة، ونروح كل 6 شهور نعمل تنضيف أسنان وتشيك أب على أسنانا.

وأضافت سهر الصايغ، مشيرةً إلى إنها لا تفضّل الهوليوود سمايل الشهيرة، وقالت: مش بفضل الهوليوود سمايل لأني بعمل أدوار مختلفة فممكن أدوار تبقى مناسبة لهذه الخاصية وأدوار لأ، فعشان مكنش محصورة في أدوار معينة، وهي ليها عيوب معينة بتتعملها، يعني مش أي حد يعملها.

وشاركت سهر الصايغ في موسم رمضان الماضي، من خلال مسلسل بابا المجال، بطولة الفنان مصطفى شعبان، وعدد من الفنانين، أبرزهم الفنانة جومانا مراد، نسرين أمين، سوسن بدر، وغيرهم.

للمزيد: موقع خليجيون نيوز، للتواصل الاجتماعي تابعنا على خليجيون