رضا حامد يتصدر ترند جوجل مصر لهذا السبب
تصدر الفنان الكوميدي رضا حامد، ترند موقع جوجل، اليوم الأثنين، وذلك بعد تصريحاته مؤخرا في برنامج "كلام الناس" مع الاعلامية ياسمين عز علي شاشة mbc.
وتحدث حامد عن علاقته القوية مع الزعيم عادل إمام، والتي بدأت في فرقة مسرحية "بودي جارد"، التي استمر بها 9 سنوات.
وأضاف حامد خلال استضافته في برنامج "كلام الناس" على شاشة قناة "MBC مصر": "لا أنسى له موقف أنه مسك كتافي كده، وقالي ياض يا رضا، أنت ممثل جامد قوي، فدي حاجة من الحاجات اللي أنا مش ناسيهاله".
وتابع: "لازم أصحح وأفهم الناس إن عادل إمام ده تاريخ كبير، ربنا يعفو عنه إذا كانت ظروفه الصحية مش كويسة".
تحدث الفنان رضا حامد أيضا، عن تفاصيل طرده من فرقة مسرحية "بودي جارد"، قائلا: اشتغلت مع عادل إمام في فرقته 9 سنين، وناس نقلت له كلام غلط عني، فطردنى".
وأضاف حامد: "حصل قبل كده لقاء مع الأستاذ أسامة كمال وذكرت أشياء أعتقد إنها اتفهمت غلط على السوشيال ميديا، لكن أنا مقولتش حاجة غلط تجاه الأستاذ عادل".
وتابع: "مباكلش عيش، حتى العيش مباكلوش، المصريين أجمل حاجة فيهم بيقولوا الحمد لله، حتى لو الدنيا مزنقة، الحقيقة برضه معارفي القدام تواروا عن الوسط الفني، لكن عندي ابن بيبقى قلقان عليا قوي، حاسس أن أبوه موهوب، وإنه كويس ومبيشتغلش، وشايف غيره بيشتغل كويس".
